İtaliya mafiyası Rusiya-Ukrayna münaqişəsi fonunda qara bazara çıxarılan PUA sursatlarını əldə etməyə cəhd göstərir.

​Operativ Media xəbər verir ki, bu barədə "ANSA" agentliyi Palermonun baş prokuroru Maurisio de Luçiyaya istinadən məlumat yayıb.

​Prokuror cinayətkar qruplaşmaların daha müasir silahlara maraq göstərdiyini bildirib. O qeyd edib ki, hüquq-mühafizə orqanlarında pilotsuz uçuş aparatlarından atılan sursatların alışı ilə bağlı məlumatlar var və bu növ silahlara qarşı hələlik adekvat müdafiə mexanizmi mövcud deyil.

​Xatırladaq ki, bundan əvvəl "Berliner Zeitung" qəzeti də lazımi nəzarət mexanizmləri olmadıqda Ukraynaya verilən silahların Avropada qara bazara çıxa biləcəyi barədə yazmışdı. Nəşrin materialında Ukraynanın yüksək korrupsiya səviyyəsinə malik ölkələrdən biri olduğu və bu səbəbdən hərbi təchizata nəzarətin zəifliyi məsələsinin narahatlıq doğurduğu vurğulanmışdı.