Bu ilin yanvar-iyun aylarında Azərbaycandan Yunanıstana 182,7 milyon ABŞ dolları dəyərində 284,3 min tondan çox xam neft və neft məhsulları ixrac olunub.

Dövlət Gömrük Komitəsindən Operativ Media-ya verilən məlumata əsasən, bu, 2025-ci ilin müvafiq dövrünün göstəricisini dəyər ifadəsində 41,69 faiz, həcm baxımından isə 22,37 faiz üstələyir.

Ümumilikdə cari ilin ilk altı ayında ölkədən 6,231 milyard dollar dəyərində 10,1 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Yunanıstan 9-cu yerdə qərarlaşıb və ixrac həcminin 2,81 faizi bu ölkənin payına düşüb.