“Ələ düşən imkanlardan istifadə edə bilmədik”.

Operativ Media xəbər verir ki, bunu “Sumqayıt”la oyundan sonra “Kəpəz”in baş məşqçisi Adil Şükürov deyib.

O bildirib ki, komanda ilk oyunda xal qazanmaq və yaxşı nəticə ilə Gəncəyə qayıtmaq istəyib:

“Amma təəssüf ki, ələ düşən imkanlardan istifadə edə bilmədik. Futbolun yazılmamış qanunu işə düşdü və komandamız qol buraxdı. Daha sonra hücum edərkən əks-hücumdan ikinci qolu buraxdıq. Bunun ardınca futbolçularda ruh düşkünlüyü yarandı və yekunda məğlub olduq”.

Qeyd edək ki, "Kəpəz" səfərdə "Sumqayıt"a 0-3 hesabı ilə məğlub olub.