UEFA Konfrans Liqasının 3-cü təsnifat mərhələsinə yüksələn “Sabah”la “Araz-Naxçıvan”ın növbəti rəqibi müəyyənləşib.

Operativ Media xəbər verir ki, “Sabah” Avropa Liqasının 2-ci təsnifat mərhələsində “Braqa”ya (Portuqaliya) uduzan “Levski” (Bolqarıstan) ilə qarşılaşacaq.

“Sabah” bu mərhələdə ilk matçını avqustun 7-də səfərdə, cavab oyununu isə avqustun 14-də Bakıda keçirəcək.

“Araz-Naxçıvan” isə növbəti mərhələdə Kiprin “Omoniya” komandası ilə qarşılaşacaq. İlk oyun avqustun 7-də Bakıda, cavab görüşü ayın 14-də səfərdə baş tutacaq.