​Azərbaycan Peşəkar Futbol Liqası (PFL) 2025-2026-cı illər mövsümündə qapısını toxunulmaz saxlayan qolkiperlərin rəsmi statistikasını açıqlayıb.

Operativ Media xəbər verir ki, mövsümün ən çox "quru oyun" keçirən qapıçılarının siyahısına iki qolkiper şərikli liderlik edir.

​"Sabah" klubunun qapıçısı Stas Pokatilov və "Şamaxı"nın qolkiperi Rikardo Fernandes cari mövsümdə hərəyə 13 qarşılaşmada qapılarını qola bağlayaraq siyahının ilk sıralarında qərarlaşıblar.

​Onları "İmişli"nin çərçivə qoruyucusu Andrey Sinenka və "Zirə"nin qapıçısı Tiaqo Silva izləyirlər. Hər iki qolkiper mövsüm ərzində rəqiblərinə 11 matçda qol sevinci yaşamağa imkan verməyib.

​Siyahının növbəti pillələrində isə "Turan Tovuz" klubundan Oleq Baklov və "Neftçi"nin qapıçısı Kenan Piriç yer alıblar. Hər iki futbolçu cari mövsümdə keçirdikləri qarşılaşmaların 10-da qapısını toxunulmaz saxlamağı bacarıb.