"Kəpəz"in üzvü Şervoni Mabatşoev milliyə çağırılıb.

Operativ Media xəbər verir ki, yarımmüdafiəçi qarşıdakı iki oyun üçün Tacikistan yığmasına dəvət alıb.

Tacikistan komandası əvvəlcə martın 20-də Belarusla yoxlama matçı keçirəcək. Bundan 5 gün sonra isə Asiya Kuboku-2027-nin seçmə oyunları çərçivəsində Timor-Leste ilə qarşılaşacaq. Hər iki görüş Düşənbədə keçiriləcək.