"Bavariya Münhen"in ingilis hücumçusu Harri Keyn "Barselona" ilə qarşıdakı oyun haqda danışıb.

"Operativ Media" xəbər verir ki, komandalar Çempionlar Liqasının III turunda üz-üzə gələcək.

“Xüsusi görüş olacaq. Komandamızda çoxları öz məşqçiləri Hans-Diter Fliki və nəslin ən yaxşılarından biri olan fantastik hücumçu olan Robert Levandovskini tanıyır. Rəqibin topa çox hakim olacağını və aktiv pressinq tətbiq edəcəyini gözləyirik. Çətin görüş olacaq".

Levandovski 2014-2022-ci illərdə "Bavariya"da çıxış edib, 375 oyunda 344 qol vurub, 73 məhsuldar ötürmə edib.

Flik 2019-2021-ci illərdə "Bavariya"ya rəhbərlik edərək ikiqat Almaniya çempionu, kubokun qalibi, Superkubok qalibi, Çempionlar Liqası kubokunun qalibi, Avropa Superkubokunun qalibi və klublar arasında dünya çempionu olub.

"Barselona" - "Bavariya" oyunu oktyabrın 23-də keçiriləcək və Bakı vaxtı ilə saat 23:00-da başlayacaq.