Fransa çempionu PSJ-nin rəhbərliyi komandanın baş məşqçisi Luis Enrikeyə yeni müqavilə təklif edəcək.

"Operativ Media" xəbər verir ki, bu haqda insayder Fabrizio Romano məlumat yayıb.

54 yaşlı ispan mütəxəssisin hazırkı müqaviləsi bu mövsümün sonuna kimi nəzərdə tutulub.

Luis Enrike Paris klubunun hazırkı layihəsində əsas fiqurdur və transfer siyasətinə daxil edilib. İndi PSJ "Real Madrid"ə transfer olunan 25 yaşlı fransalı hücumçu Kilyan Mbappeyə bərabər əvəzedici axtarır.

Luis Enrike 2023-cü ilin yayından PSJ-yə rəhbərlik edir.