Azərbaycan paraüzgüçüsü Raman Saley “Paris-2024” Yay Paralimpiya Oyunlarında növbəti növdə qüvvəsini sınayıb.

"Operativ Media" xəbər verir ki, S12 kateqoriyasında yarışan idmançımız 100 metr məsafəyə sərbəst üsulla üzmə yarışında uğurlu nəticə əldə edib.

Paraüzgüçü Raman Saley 53.65 saniyəlik nəticə ilə bürünc medal qazanıb.

Raman Saley daha əvvəl 100 metr məsafəyə arxası üstə üzmə yarışında Paris Paralimpiadasının gümüş medalını qazanıb.