KL: "Zirə" "Omoniya"ya qarşı

"Zirə” bu gün Konfrans Liqasında növbəti matçına çıxacaq.

"Operativ Media" xəbər verir ki, bu turnirin pley-off mərhələsində Kipr klubu “Omoniya” ilə mübarizə aparan Azərbaycan təmsilçisi cavab matçını evdə keçirəcək.

İlk görüşü Nikosiyada baş tutub və “Zirə”nin ağır məğlubiyyəti ilə başa çatıb. Rəşad Sadıqovun komandası indi ən azı həmin darmadağının qisasını almağa çalışacaq.

Qeyd edək ki, cütün qalibi Konfrans Liqasının əsas mərhələsinə vəsiqə qazanacaq, məğlub tərəf isə avrokuboklarla vidalaşacaq.

Avropa Konfrans Liqası

Pley-off mərhələsi, cavab oyunu

29 avqust

20:00. Zirə – Omoniya

Baş hakim: Vitali Spasyonnikov (Latviya).

Mərdəkan. “Dalğa Arena”.

İlk oyun – 0:6.