"İndiki düşüncəm, çox çalışıb "Ankaragücü" klubunda əsas heyət oyunçusu olmaqdır".

Bunu "Operativ Media"ya açıqlamasında "Ankaragücü" klubunun 17 yaşlı azərbaycanlı futbolçusu Həsən Nəzərov bildirib.

O, "Erzurumspor"la debüt matçından da danışıb.

"Mənim üçün çox vacib oyun idi. Məğlub olduq, amma, belə möhtəşəm azarkeşlərin qarşısında  matça çıxmaq qürurvericidir. Xoşbəxtəm. Daha çox çalışmaq lazım olduğunu bilirəm. Hələ yolun başlanğıcındayam. Matçdan sonra baş məşqçi ilə oyunla bağlı söhbətimiz olmayıb".

Həsən hələki Azərbaycan Premyer Liqasında çıxış etməyi düşünmədiyini bildirib.

"Azərbaycandan hərhansı klubdan təklif gəlməyib. Hələki belə bir düşüncəm də yoxdur. Türkiyədə qalıb özümü inkişaf etdirmək istəyirəm".