Qəsəbə sakinlərinin zibillik problemi həllini tapdı - YENİLƏNİB - VİDEO

Zabrat qəsəbəsi Xavər Vəliyev küçəsinin sakinlərinin problemi həllini tapıb.

"Operativ Media"nın sakinlərin şikayətini işıqlandırmasından sonra Şabunçu Rayon İcra Hakimiyyəti ərazidəki zibillik problemini qısa zamanda aradan qaldırıb.

***

17:00

Zabrat qəsəbəsinin Xavər Vəliyev küçəsinin sakinləri yaşadıqları ərazidəki zibilliklərdən şikayətçidirlər. 

"Operativ Media" xəbər verir ki, zibil qutularının az olması həmin ərazidə küçə boyu kiçik zibilliklərin yaranmasına səbəb olub.

Vətəndaşlar ərazidəki zibillərin tez-tez təmizlənməməsindən və konteynerlərin sayının azlığından şikayətçidirlər.

Məsələ ilə bağlı Sabunçu Rayon İcra Hakimiyyəti ilə əlaqə saxladıq. İcra hakimiyyətindən bildirildi ki, problem bir saat ərzində aradan qaldırılacaq və əlavə konteynerlər qoyulacaq.