UEFA Konfrans Liqasının 3-cü təsnifat mərhələsinin “Sabah” – “Sent Patriks” oyununa bilet satışı davam edir.

"Operativ Media" klubun mətbuat xidmətinə istinadən xəbər verir ki, artıq 3500 bilet satılıb.

Matçın oynanılacağı “Bank Respublika Arena”nın isə tutumu 8700-dür. Azarkeşlər biletləri “iticket.az” saytından əldə edə bilərlər. Tezliklə “Bank Respublika Arena”nın kassalarında da bilet satışına başlanılacaq.

Qeyd edək ki, “Sabah” – “Sent Patriks” oyunu avqustun 15-də keçiriləcək. İrlandiyadakı ilk görüşdə ev sahibləri 1:0 hesablı qələbə qazanıb