Azərbaycanlı qapıçını "Barselona"ya kim aparıb?

İspaniya La Liqası komandası “Barselona” 21 yaşlı azərbaycanlı qapıçı Eldar Tağızadə ilə 2 illik müqavilə imzalayıb.

"Operativ Media" xəbər verir. O, “Barselona”nın ikinci komandasında çıxış edəcək.

“Neftçi”nin yetirməsi olan gənc qapıçı Fransanın “Klermon”, İspaniyanın "Marset" və “Luqo” komandalarında çıxış edib.

Redaksiyamızın əldə etdiyi məlumata görə, Eldar Tağızadənin "Barselona"ya transfer olmasına azərbaycanlı iş adamı Adnan Əhmədzadə köməklik göstərib. Belə ki, bu transferin baş tutmasında Adnan Əhmədzadənin "Barselona"nın prezidenti Xuan Laporta ilə yaxın dostluq münasibətləri mühüm rol oynayıb.