Azərbaycan Premyer Liqasının 1-ci turunun “Şamaxı” – “Sabah” oyunu ilə bağlı dəyişiklik edilib.

"Operativ Media" PFL-in rəsmi saytına istinadən xəbər verir ki, buna səbəb Bakı klubunun Konfrans Liqasında mübarizəni davam etdirməsi olub.

“Bayquşlar” bununla bağlı Peşəkar Futbol Liqasına müraciət edib. “Şamaxı”nın rəsmi razılıq məktubu və PFL-in qərarı ilə “Sabah”ın avrokuboklarda növbəti mərhələyə daha yaxşı hazırlaşması və mümkün zədələrin qarşısının alınması məqsədilə 1-ci turun “Şamaxı” – “Sabah” oyunu ilə, 18-ci turun “Sabah” – “Şamaxı” matçının yeri dəyişdirilib.

I tur

4 avqust (bazar)

17:30. “Sabah” – “Şamaxı”

“Bank Respublika Arena”

Qeyd edək ki, komandaların əvəzedici heyətləri arasında görüş əvvəlcədən açıqlandığı kimi baş tutacaq