Mikayıl Cabbarov Gəncədə yerləşən Sənaye Partlayıcı Maddələrinin İstehsalı Zavodunun fəaliyyəti ilə tanış olub

""AzerGold"un İdarə Heyətinin sədri Zakir İbrahimov və həmkarlarla birlikdə "Azer Blast" MMC-nin Gəncədə yerləşən Sənaye Partlayıcı Maddələrinin İstehsalı Zavodunun fəaliyyəti və istehsal prosesi ilə tanış olduq".

"Operativ Media" xəbər verir ki, bu barədə İqtisadiyyat naziri Mikayıl Cabbarov "X"də bildirib.

"Dövlət-özəl tərəfdaşlığının uğurlu biznes modeli olan bu layihənin yeni iş yerlərinin və müasir istehsalat sahələrinin yaradılması, idxaldan asılılığın aradan qaldırılması kimi hədəflərə çatmaqda önəmini vurğuladıq. Müəssisənin fəaliyyətinə və əməkdaşlarına uğurlar arzulayırıq", - nazir qeyd edib.