Konfrans Liqasının II təsnifat mərhələsi çərçivəsində "Makkabi Hayfa" ilə oyunda "Sabah"in futbolçusu Kahim Parrisin ilk hissədən sonra əvəzlənməsinin səbəbi bilinib.

Klubun mətbuat xidmətinin rəhbəri Elnur Həmidov "Operativ Media"ya açıqlamasında futbolçunun zədə səbəbindən əvəzləndiyini bildirib.

"Bəli, Kahim Parrisin əvəzlənməsi zədə ilə bağlı idi. Amma, zədəsi ciddi deyil".

Qeyd edək ki, "Sabah" ilk oyunda "Makkabi Hayfa" klubunu 0-3 hesabı ilə məğlub edib. Cavab qarşılaşması avqustun 2-də Bakıda keçiriləcək.