"Bayern Münhen" niderlandlı müdafiəçisini satmaq istəyir

Münhen "Bavariya"sı 24 yaşlı holland müdafiəçi Matthijs de Liqti bu yay satmağa hazırdır, lakin transferdən ən azı 50 milyon avro gözləyir.

"Operativ Media" xəbər verir ki, bu haqda Almaniyanın "Bild" nəşri məlumat yayıb.

İngiltərə "Mançester Yunayted"i De Liqtin transferi üçün 35 milyon avro təklif etsə də, rədd cavabı alıb. Danışıqlar davam edir.

Ötən mövsüm De Liqt "Bavariya" ilə 30 matçda iştirak edib və 2 qol vurub.

Transfermarkt De Liqtin transfer dəyərini 65 milyon avro qiymətləndirir.