16 yaşadək basketbolçu qızlardan ibarət Azərbaycan millisi Avropa çempionatının C divizionunun qalibi olub.

"Operativ Media" xəbər verir ki, Cəbəllütariqdə təşkil olunan turnirin həlledici qarşılaşmasında millimiz finalda Kipr yığmasını 69:52 hesabı ilə məğlub edib.

Qeyd edək ki, qrup mərhələsində Ermənistan millisini 86:59, Gürcüstanı 97:40, Kipri isə 68:45 hesabı ilə üstələyən gənc basketbolçularımız yarımfinalda Albaniyanı məğlubiyyətə uğradıb - 92:62.