Avrokubokların 1-ci təsnifat mərhələsinin ilk oyunlarından sonra UEFA reytinqi açıqlanıb.

"Operativ Media" xəbər verir ki, Azərbaycan 17.000 xalla 25-ci pilləyə yüksəlib. Buna “Zirə”nin Avropa Liqasının 1-ci təsnifat mərhələsinin ilk matçında “Şerif”ə qalib gəlməsi (1:0) səbəb olub. Bu qələbə ölkəmizə 0,250 xal qazandırıb. Bununla da, Azərbaycan Kipri (16,975) geridə qoyub.

Qeyd edək ki, "Zirə"nin "Şerif"lə cavab matçı iyulun 18-i keçiriləcək.