AÇ-2024-ün final oyunu fransalı hakimə tapşırıldı

Almaniyada keçirilən Avropa çempionatının final qarşılaşmasının hakimləri bəlli olub.

"Operativ Media" xəbər verir ki, UEFA Hakimlər Komitəsi fransalı Fransua Leteksierin 14 iyul saat 23:00-da Almaniyanın Berlin şəhərindəki Olimpiya Stadionunda keçiriləcək İspaniya və İngiltərə milliləri arasında AÇ-2024 finalını idarə edəcəyini açıqlayıb.

Bazar günü keçiriləcək finalda Fransua Letexierə fransalı köməkçilər Siril Mugnier və Mehdi Rahmouni qoşulacaq, Szymon Marciniak (Polşa) isə dördüncü hakim funksiyasını yerinə yetirəcək. Video köməkçi hakim (VAR) rolu Jérôme Brisard (Fransa), köməkçisi Willy Delajod (Fransa) və Massimiliano Irrati (İtaliya) olacaq. Tomas Listkiewicz (Polşa) ehtiyat hakimin köməkçisi kimi heyəti tamamlayır.