Ceyms Rodriqes Messinin rekordunu geridə qoydu

Kolumbiya millisinin və braziliyalı "San-Paulu"nun yarımmüdafiəçisi Ceyms Rodriqes Amerika kubokunda dünya çempionu Argentina millisinin və "İnter Mayami"nin 37 yaşlı hücumçusu Lionel Messinin rekordunu üstələyib.

"Operativ Media" xəbər verir ki, 32 yaşlı futbolçu ABŞ-də keçirilən turnirdə 6 qol ötürməsi edib.

Əvvəllər üç futbolçu Amerika Kubokunda bir turnirdə 5 qol ötürməsi edə bilib. Denilson (Braziliya, 1997), Aleks (Braziliya, 2004), Lionel Messi (Argentina, 2021).

Yarımfinalda Uruqvay komandasına 1:0 hesabı ilə qalib gələn Kolumbiya finalda Argentina ilə mübarizə aparacaq.