Naço Fernandez: Fransa fiziki cəhətdən çox güclü komandadır, çox yüksək səviyyəli oyunçuları var

İspaniya millisinin müdafiəçisi Naço Fernandes Fransa millisi ilə qarşılaşacaqları matç haqda danışıb.

"Operativ Media" xəbər verir ki, komandalar AÇ-2024-ün yarımfinalında üz-üzə gələcəklər.

“Fransa fiziki cəhətdən çox güclü komandadır, çox səviyyəli oyunçuları var.

Bu turnirdə daha çox müdafiə oyunu nümayiş etdirirlər, amma Fransa rəqibi uzun müddət küncə sıxışdıra bilən komandadır.

Biz əvvəlki matçlarda olduğu kimi təşəbbüsü ələ almaq niyyətindəyik”.

İspaniya - Fransa matçı iyulun 9-da keçiriləcək və Bakı vaxtı ilə saat 23:00-da başlayacaq.