"Sumqayıt" braziliyalı futbolçu ilə gücləndi

2024/2025 mövsümü üçün transfer çalışmalarını davam etdirən “Sumqayıt” daha bir futbolçunun keçidini reallaşdırıb.

"Operativ Media" xəbər verir ki, klub son mövsümü Albaniya “Eqnatiya”sında keçirmiş Fernando Medyros ilə 2+1 illik müqavilə imzalayıb.

28 yaşlı braziliyalı yarımmüdafiəçi 11 nömrəli formada çıxış edəcək.

Braziliyanın “Santos” klubunun yetirməsi olan Fernando Medeyros karyerası ərzində “Botafoqo”, “Vila Nova”, “Bahia”, “Portimonense” kimi komandaların şərəfini qoruyub.