"Neftçi” yay fasiləsində daha bir oyunçu ilə vidalaşıb.

"Operativ Media" klubun rəsmi saytına istinadən xəbər verir ki, yarımmüdafiəçi Ataa Caber bakılılarla sağollaşıb.

29 yaşlı orta sahə oyunçusu ilə yeni müqavilə imzalanmayıb. O, “Neftçi”dən gedən 3-cü oyunçu olub. “Neftçi” daha əvvəl Eddi İsrafilov və Aqil Məmmədovu yola salmışdı.

Qeyd edək ki, 2022-ci ilin iyununda transfer olunan Ataa Caber “Neftçi”nin heyətində 58 oyunda 9 qol vurub.