Tiaqo Alkantara "Liverpul"dan ayrılır

33 yaşlı ispan yarımmüdafiəçi Tiaqo Alkantara mövsüm başa çatdıqdan sonra "Liverpul"u tərk edəcək. O, azad agent statusu alacaq.

"Operativ Media" xəbər verir ki, bu haqda klubun rəsmi saytı məlumat yayıb. 

Tiaqo Alkantara 2020-ci ildə "Bavariya"dan "Liverpul"a keçərək 98 oyunda 3 qol vurub və 6 məhsuldar ötürmə edib, İngiltərə Kubokunun qalibi, Super Kubokun qalibi və İngiltərə Liqa Kubokunun qalibi olub.

Alkantara zədə səbəbindən bu mövsüm bir matçda iştirak edib. O, “Arsenal”la matçda 5 dəqiqə oynadıqdan sonra yenidən zədələnib.