"Qəbələ" "Sabah"ı məğlub etdi

Bu gün Azərbaycan Premyer Liqasında 34-cü tura yekun vurulacaq.

"Operativ Media" xəbər verir ki, sonuncu oyun gününün ilk oyunu Qəbələdə baş tutub.

Burada “Qəbələ” avrokuboklara vəsiqə uğrunda mübarizə aparan “Sabah”la üz-üzə gəlib. Oyun meydan sahiblərinin qələbəsiylə başa çatıb.

Turun son matçı isə avrokuboklara digər iddialı “Sumqayıt”la “Səbail” arasında baş tutacaq.

Daha öncə “Neftçi” “Kəpəz”ə (5:1), “Turan Tovuz” “Araz-Naxçıvan”a (1:0), “Qarabağ” isə “Zirə”yə (1:0) qalib gəlib.

Azərbaycan Premyer Liqası

34-cü tur

12 may

“Qəbələ” – “Sabah” 2:0

Qollar: Əyyub Allaş, 33. Klesio Bauk, 45+1.

Hakimlər: Elçin Məsiyev, Elşad Abdullayev, Pərvin Talıbov, Rəşad Əhmədov.

Qəbələ şəhər stadionu, 17:00