Azərbaycan millisi beynəlxalq turnirin qalibi oldu

Azərbaycanın minifutbol millisi Monteneqronun paytaxtı Podqoritsada keçirilən beynəlxalq turnirin qalibi olub.

"Operativ Media" xəbər verir ki, yığma həlledici oyunda son dünya çempionu Rumıniyaya 5:4 hesabı ilə qalib gələrək, baş mükafatı qazanıb.

Milli üzvlərindən ikisi fərdi mükafata layiq görülüb. Vəli Qafarov turnirin ən yaxşı qapıçısı, Elvin Əlizadə isə ən yaxşı futbolçusu seçilib.