Azərbaycan Kubokunda yarımfinalın cavab oyunlarının başlama saatı bəlli oldu

Azərbaycan Kubokunda yarımfinal mərhələsinin cavab oyunlarının başlama saatı bəlli olub.

"Operativ Media" xəbər verir ki, hər iki matç aprelin 24-də baş tutacaq.

İlk olaraq “Qəbələ” və “Zirə” üz-üzə gələcəklər. Qəbələ şəhər stadionunda keçiriləcək görüş saat 17:00-da start götürəcək.

“Qarabağ” isə Tofiq Bəhramov adına Respublika stadionunda “Neftçi”ni qəbul edəcək. Qarşılaşma saat 20:00-da başlayacaq.

Qeyd edək ki, bu cütlüklər arasında baş tutan ilk oyunda “Qarabağ” “Neftçi”yə 4:0, “Zirə” isə “Qəbələ"yə 2:1 hesabı ilə qalib gəlib.