Xavinin rəhbərliyi altında "Barselona" Madrid "Real"ına ardıcıl 4-cü dəfə məğlub olub.

"Operativ Media" xəbər verir ki, İspaniya çempionatının 32-ci turunda Kataloniya komandası 2:3 hesabı ilə məğlub olub. Bundan əvvəlki üç görüşdə kral komandası 4:0, 2:1 və 4:1 hesablı qələbə qazanıb.

Xavi "Barselona"nın tarixində "Real"a qarşı ardıcıl 4 dəfə məğlub olan ikinci məşqçidir.

1935-1940-cı illərdə irlandiyalı Patrik O'Konnellin rəhbərliyi altında "Barselona" da belə əks rekorda malik olub.

Xavi iyunun 30-da postunu tərk edəcəyini açıqlayıb.