Türkiyə Super Liqasının 33-cü həftəsində lider "Qalatasaray" "Pendikspor"u qəbul edib.

"Operativ Media" xəbər verir ki, "sarı-qırmızılılar" ilk yarını Mauro İkardi və Abdülkerim Bardakçı ilə 2-0 öndə tamamlayıb. İkardi vurduğu qolla liqa tarixinə düşüb.

Mauro İkardi Superliqada 20 qol vurub. Təcrübəli futbolçu ötən mövsüm Superliqada 22 qol vurmuşdu.

"Opta" məlumatlarına görə, Super Liqa karyerasında "Pendikspor" qarşısında qolunu cərimə meydançası kənarından vuran Mauro İkardi (42 qol) "Qalatasaray" tarixində iki liqa mövsümündə 20 qola çatan ilk əcnəbi futbolçu olub.