Azərbaycan Premyer Liqasının 31-ci turunda “Səbail”i qəbul edəcək “Araz-Naxçıvan” məşqlərini davam etdirir.

"Operativ Media" xəbər verir ki, bu gün 90 dəqiqə davam edən hazırlıq prosesində taktiki-texniki təmrinlər yerinə yetirilib. Bir müddətdir zədəli olan Aksel Nqando fiziki hazırlıq üzrə məşqçinin nəzarəti altında fərdi məşqlə kifayətlənib. Onun həftəsonu keçiriləcək matçda meydana çıxıb-çıxmayacağı oyun günü məlum olacaq. 

Qeyd edək ki, “Araz-Naxçıvan” – “Səbail” oyunu aprelin 21-də, saat 19:00-da Liv Bona Dea Arenada keçiriləcək. Matç CBC Sport kanalı vasitəsilə canlı yayımlanacaq.