Tovuz şəhər stadionunun ot örtüyü nə vaxt dəyişdiriləcək? - AÇIQLAMA

Bu günlərdə mediada Tovuz şəhər stadionunun süni ot örtüyünün təbiisi ilə əvəz ediləcəyi xəbərləri paylaşılır.

Məsələni dəqiqləşdirmək üçün "Turan Tovuz" klubunun mətbuat xidmətinin rəhbəri Süleyman Tağıyev ilə əlaqə saxladıq.

Süleyman Tağıyev "Operativ Media"ya açıqlamasında iş prosesinin getdiyini bildirib.

"Bu haqda iş prosesi gedir. Konkret vaxt təyin olunmayıb. Standartlara cavab verən cəmi bir meydançamız var. Aşağı yaş qrupları, əvəzedicilər və əsas komanda oyunlarını burada keçirir. Yüklənmə çox olduğundan ehtiyat meydançaya ehtiyac var. Ehtiyat meydança hazır olduqdan sonra bu proseslərə başlanılacaq".