Tehranın Hörmüz boğazına hər zaman nəzarət etdiyini bildirən İranın xarici işlər naziri Abbas Əraqçi bu nəzarətin gələcəkdə də davam edəcəyini bəyan edib.

​Operativ Media xəbər verir ki, bu barədə XİN rəhbəri özünün "X" sosial şəbəkəsindəki hesabında paylaşım edib.

​Abbas Əraqçi paylaşımında ölkəsinin Hörmüz boğazının tarixi qoruyucusu olduğunu və bu statusu gələcəkdə də qoruyub saxlayacağını vurğulayıb.

​Bununla yanaşı, nazir ABŞ Prezidenti Donald Trampın sözügedən su arterialarına nəzarət etmək və təhlükəsizliyin təmin olunması müqabilində 20% rüsum tətbiq etmək barədə səsləndirdiyi fikirlərə də münasibət bildirib. O, sözügedən rüsum faizinin həddindən artıq yüksək olduğunu qeyd edərək, rəsmi Tehranın bu məsələdə daha ədalətli mövqe nümayiş etdirəcəyini diqqətə çatdırıb.