Əcnəbilər Azərbaycanda yaşama icazələrini elektron qaydada ala biləcək

Yaxın vaxtlarda Azərbaycanda yaşama icazələri vəsiqələrinin elektron qaydada təqdim olunması planlaşdırılır.

Bu barədə Operativ Media-ya Dövlət Miqrasiya Xidmətindən məlumat verilib.

Qeyd olunub ki, mayın 14-də qurumda əcnəbi işçi qüvvəsini cəlb edən işəgötürənlərlə görüş keçirilib.

Görüş çərçivəsində əmək miqrasiyası və əcnəbi iş adamlarının iqtisadi fəaliyyəti ilə bağlı aktual məsələlər, yüksəkixtisaslı miqrantlarla bağlı qanunvericilikdəki yeni müddəalar və bu statusun əldə olunma mexanizmi, həmçinin yaşama icazələrinin elektron qaydada təmin edilməsi ilə bağlı yeniliklər diqqətə çatdırılıb.