Azərbaycan Premyer Liqasının XXII turu çərçivəsində baş tutacaq "Qarabağ" - “Sabah” qarşılaşmasının biletləri bu gün saat 18:00-dan etibarən satışa təqdim olunacaq.

Operativ Media xəbər verir ki, biletlərin qiyməti sektorlara uyğun olaraq 5, 10 və 20 manat təşkil edir. Azarkeşlər biletləri bu gündən etibarən iTicket.az saytından onlayn qaydada, oyun günü isə həm onlayn, həm də Tofiq Bəhramov adına Respublika stadionunun kassalarından əldə edə bilərlər.

Qeyd edək ki, stadionun qapıları azarkeşlərin girişi üçün matçın başlanmasına 120 dəqiqə qalmış açılacaq.