"Qalatasaray"ın hücumçusu Viktor Osimhen Çempionlar Liqasının pley-off mərhələsinin ikinci oyununda "Yuventus"a məğlubiyyət və komandasının 1/8 finala vəsiqə qazanması ilə bağlı fikirlərini bölüşüb.

Operativ Media bu barədə UEFA-nın rəsmi saytına istinadən xəbər verir.

"Bu gecə belə olacağını bilirdim - bu komandanı və bu stadiondakı atmosferi tanıyıram. "Yuventus" azarkeşlərinin həyatımızı kabusa çevirməsinin çətin olacağını anlayırdım. "Qalatasaray" azarkeşlərinə də təşəkkür edirəm. Onları eşidirdim və məyus halda evə qayıtmalarını istəmirdik. Bunu bacardıq, lakin açığı, hələ də inkişaf etdirməli olduğumuz çox məqam var", - deyə o qeyd edib.

İlk oyunda 5:2 hesablı qələbə qazanan "Qalatasaray" iki oyunun nəticəsinə əsasən UEFA Çempionlar Liqasının 1/8 final mərhələsinə vəsiqə əldə edib. Püşkatma mərasimi fevralın 27-də, cümə günü keçiriləcək.