2025-ci ildə Bakı şəhərində müntəzəm marşrut xətti ilə 494 milyondan çox sərnişin daşınıb. Şəhərdaxili (rayondaxili) sərnişindaşıma fəaliyyəti üçün 837, şəhərlərarası sərnişindaşıma fəaliyyəti üçün isə 66 yeni avtobus cəlb edilib. Həmçinin şəhərlərarası daşımalar üzrə 19 yeni müntəzəm marşrut xətti təşkil edilib. 10 marşrut xəttində hərəkət sxemi dəyişdirilib, 3 yeni marşrut xətti təşkil edilib.

Operativ Media xəbər verir ki, bu barədə AYNA məlumat yayıb.

Bu günədək Bakı şəhərinin 40 küçə və prospektində ümumi uzunluğu 114 km-dən çox olan avtobus zolaqları təşkil edilib. Bu zolaqlar vasitəsilə gün ərzində 1 milyona yaxın sərnişin daşınır. Sumqayıt, Saray və Xırdalandan paytaxt istiqamətində gündəlik sərnişin axınının həcmi 49 min nəfər artıb.