İyulun 15-də Slovakiya Respublikasının Prezidenti Peter Pelleqrini Milli Məclisin sədri Sahibə Qafarova ilə görüşüb.

Operativ Media xəbər verir ki, bu barədə Pelleqrini sosial şəbəkə hesabında paylaşım edilib.

"Bu gün Azərbaycandakı proqramımı Parlamentin sədri Sahibə Qafarova ilə görüşlə yekunlaşdırdım.

Keçmiş parlament sədri kimi, parlament diplomatiyasına və onun xalqlar arasında etimadın qurulmasında oynadığı mühüm rola böyük dəyər verirəm. Bu hökumətlərarası münasibətlərdən daha geniş müstəvidə dialoq üçün imkan yaradır və uzunmüddətli tərəfdaşlıqların güclənməsinə kömək edir.

Biz, həmçinin parlamentlərimiz arasında daha sıx əməkdaşlıq, eləcə də təhsil, mədəniyyət və insanlararası əlaqələr sahəsində əməkdaşlığın dərinləşdirilməsi imkanlarını müzakirə etdik", - deyə o, qeyd edib.