Ukraynadakı münaqişənin nizamlanması Rusiya ilə ABŞ arasındakı münasibətlərdə növbəti yumşalmaya, həmçinin Vaşinqton və Moskva arasında ticarət-iqtisadi əlaqələrin yaxşılaşmasına yol aça bilər.

​Operativ Media xəbər verir ki, bunu ABŞ Prezidenti Donald Tramp tərəfindən Milli Kəşfiyyatın direktoru vəzifəsinə namizədliyi irəli sürülmüş Cey Kleyton bildirib.

​Kleytonun Senatın xüsusi kəşfiyyat komitəsində keçiriləcək dinləmələr üçün hazırladığı yazılı cavablarında qeyd olunub ki, Ukraynadakı müharibənin davamlı şəkildə nizamlanması tərəflər arasında həm geostrateji, həm də kommersiya əlaqələrinin bərpasına imkan yaradacaq.

​Bununla yanaşı, namizəd münaqişənin Ukraynanın suverenliyini qoruyacaq və Rusiyanın gələcəkdə Avropada törədə biləcəyi mümkün aqressiv addımlarının qarşısını alacaq şəkildə həll edilməsi cəhdlərini dəstəklədiyini vurğulayıb.

​Qeyd edək ki, ABŞ Milli Kəşfiyyatının direktoru ölkənin bütün 18 kəşfiyyat qurumunun fəaliyyətini əlaqələndirən əsas rəhbər şəxs hesab olunur. Cey Kleytonun bu vəzifəyə namizədliyi iyunun 11-də irəli sürülüb və fəaliyyətə başlaması üçün Senat tərəfindən təsdiqlənməlidir.