Sumqayıtda “işə düzəltmək” adı altında dələduzluq edən şəxs tutulub

Sumqayıt şəhərində dələduzluq faktı qeydə alınıb. Zərərçəkənin “işə düzəltmək” vədi ilə aldadılaraq ümumilikdə 4000 manatının ələ keçirilməsi barədə polisə müraciəti daxil olub.

Operativ Media xəbər verir ki, bu barədə DİN məlumat yayıb.
 
Polis əməkdaşları tərəfindən keçirilən tədbirlə əməli törətməkdə şübhəli bilinən 45 yaşlı S.Əhmədova müəyyən olunaraq saxlanılıb.

Fakt üzrə araşdırma aparılır.