"Telegram"ın təsisçisi Pavel Durov Rusiyada terror fəaliyyətinə kömək etməkdə ittiham olunur.

Operativ Media xəbər verir ki, bu barədə Rusiya Federal Təhlükəsizlik Xidməti (FSB) məlumat yayıb.

Bildirilib ki, onun barəsində beynəlxalq axtarış başlanılıb. 

"Rusiya qanunlarını pozaraq, "Telegram" messencerinin administrasiyası çoxsaylı kanallarını, çatlarını və botlarını silə bilməyib. Bu botlar Ukrayna xüsusi xidmət orqanları, terrorçu və ekstremist təşkilatlar tərəfindən Rusiya Federasiyasında təxribat və terrorizm, kütləvi qətl və kiberfırıldaqçılıq aktlarının hazırlanması və əlaqələndirilməsi üçün fəal şəkildə istifadə olunur. Bunun nəticələri qadınlar və uşaqlar da daxil olmaqla çoxsaylı insan tələfatına, eləcə də milyardlarla dollarlıq maddi ziyana səbəb olub", - FSB-nin məlumatında qeyd edilib.