ABŞ Prezidenti Donald Tramp İranla aparılan danışıqların intensiv şəkildə davam etdiyini, lakin nəticə əldə olunmasa, Vaşinqtonun yenidən hərbi əməliyyatlara başlayacağını bildirib.

Operativ Media xəbər verir ki, Tramp bu barədə "Axios" nəşrinə müsahibəsində danışıb.

ABŞ prezidenti bildirib ki, İranla çox ciddi danışıqlar aparılır və diplomatik səylər uğursuz olacağı təqdirdə ABŞ hərbi variantı yenidən gündəmə gətirəcək.

Trampın sözlərinə görə, Vaşinqton Tehrana diplomatik həll üçün əlavə imkan yaratmaq məqsədilə İrana qarşı hərbi zərbələri müvəqqəti dayandırıb.

O, eyni zamanda vurğulayıb ki, ABŞ administrasiyası danışıqlar prosesinin uzanmasında maraqlı deyil və bu məsələdə uzun müddət gözləmək niyyətində deyil.