İran və Azərbaycanın nümayəndələrinin iştirakı ilə Araz çayının su və enerji ehtiyatlarının istismarı üzrə Daimi Birgə Komissiyanın 54-cü iclası keçirilib.

Operativ Media xəbər verir ki, bu barədə ISNA məlumat yayıb.

Məlumata görə, görüşdə tərəflər əvvəlki sənədlərin müddəalarını, sərhəd və birgə bəndlərdəki ehtiyatların həcmini və cari ildə sərhədin hər iki tərəfinin suya olan tələbatını əsas gətirərək Araz çayının su ehtiyatlarının optimal istismarı üçün lazımi plan və sazişlər aparıblar.

Qeyd edilib ki, iclasda qəbul edilən qərarlar iki ölkənin icra gündəliyinə daxil ediləcək.