Son bələdiyyə seçkilərində 3 minə yaxın seçicinin adı əlavə seçici siyahılarına daxil edilib

Son bələdiyyə seçkilərində 2868 seçicinin adı əlavə seçici siyahılarına daxil edilib.

Operativ Media xəbər verir ki, bununla bağlı Mərkəzi Seçki Komissiyasının (MSK) sədrinin müavini Rövzət Qasımov qurumun bugünkü iclasında məlumat verib.

O qeyd edib ki, ən vacib məsələ seçicilərin adlarının siyahılarda təkrar istifadə edilməməsidir:

"Bununla bağlı sistem təkmilləşdirilib. Seçici siyahıları MSK-nın rəsmi saytında yerləşdiriləcək".