Bakıda məşhur tikililər Gürcüstanın Müstəqillik Gününə həsr olunaraq işıqlandırılıb - VİDEO

Mayın 25-də Gürcüstanın Müstəqillik Günü münasibətilə Azərbaycanda bir sıra simvolik binalar Gürcüstan bayrağının rəngləri ilə işıqlandırılıb.

Operativ Media xəbər verir ki, Bakı şəhərində yerləşən Bakı Olimpiya Stadionu, Heydər Əliyev Mərkəzi, Flame Towers (Alov Qüllələri) və digər tanınmış tikililərin üzərində axşam saatlarında Gürcüstan bayrağının qırmızı və ağ rəngləri canlandırılıb.

Bu jest Gürcüstan ilə Azərbaycan arasında dostluq və qonşuluq münasibətlərinə verilən yüksək qiymətin göstəricisi kimi dəyərləndirilir.

Qeyd edək ki, Gürcüstan 1918-ci il mayın 26-da ilk dəfə müstəqilliyini elan edib.