“Quacquarelli Symonds” qlobal reytinq agentliyinin rəhbərliyi ilə görüş keçirilib

Böyük Britaniyanın London şəhərində elm və təhsil naziri Emin Əmrullayevin “Quacquarelli Symonds” (QS) qlobal reytinq agentliyinin təsisçisi və prezidenti Nunzio Quacquarellinin rəhbərlik etdiyi nümayəndə heyəti ilə görüşü keçirilib.

Operativ Media xəbər verir ki, bu barədə Elm və Təhsil Nazirliyindən məlumat verilib.

Görüş zamanı Azərbaycan ali təhsil müəssisələrinin QS reytinqlərində cari göstəriciləri və perspektivləri müzakirə olunub. Eyni zamanda, növbəti aylarda ikitərəfli əməkdaşlıq çərçivəsində birgə layihələrin həyata keçirilməsi imkanları barədə fikir mübadiləsi aparılıb.