Türkiyənin Batman şəhərində yerləşən Raman Anadolu Liseyində təxminən 40 şagird kafedə yedikləri toyuq dönərindən sonra xəstəxanaya yerləşdiriliblər.

Operativ Media "Haber Global"a istinadən xəbər verir ki, zəhərlənmə şübhəsi ilə Batman Təlim və Araşdırma Xəstəxanasına müraciət edən şagirdlərin müalicəsinə başlanılıb.

Onlardan bəziləri artıq evə buraxılıb, digərlərinin müalicəsi isə davam edir. Həkimlər şagirdlərin vəziyyətinin yaxşı olduğunu bildiriblər.

Hadisə ilə əlaqədar kafenin fəaliyyəti müvəqqəti dayandırılıb. Araşdırma aparılır.