Ukrayna lideri Volodimir Zelenski ABŞ prezidenti Donald Trampın İstanbuldakı görüşdə iştirak etmək planlarını dəstəkləyib.

Operativ Media xəbər verir ki, bu barədə o, "Telegram" kanalında məlumat verib.

"Mən Donald Trampı tam və qeyd-şərtsiz atəşkəs ideyası ilə dəstəklədim – diplomatiya üçün əsas yaratmaq üçün kifayət qədər uzun müddətdir. Mən prezident Trampın Rusiya prezidenti Vladimir Putinlə birbaşa danışıqlar ideyasını dəstəklədim. Trampın Türkiyədəki bu görüşdə bizimlə olmasını istərdim", - Zelenski qeyd edib.

Ukrayna lideri görüşə hazır olduğunu və Türkiyədə olacağını vurğulayıb.