Misirin cənubundakı Minya əyalətində ağır yol qəzası baş verib, 8 nəfər ölüb, 25-i yaralanıb.

Operativ Media bu barədə “Sinxua” agentliyinə istinadən xəbər verir.

Məlumata görə, yol qəzası Minya əyalətinin Tuna el-Gebel kəndində qeydə alınıb.

Belə ki, yük maşını işçiləri və onların uşaqlarını daşıyan pikapı vurub.

Hadisə yerinə təcili yardım cəlb olunub.

Qəzanın hansı şəraitdə baş verdiyi araşdırılır.